Psalms Chapter 121

¹שִׁ֗יר לַֽ/מַּ֫עֲל֥וֹת אֶשָּׂ֣א עֵ֭ינַ/י אֶל־ הֶ/הָרִ֑ים מֵ֝/אַ֗יִן יָבֹ֥א עֶזְרִֽ/י׃

²עֶ֭זְרִ/י מֵ/עִ֣ם יְהוָ֑ה עֹ֝שֵׂ֗ה שָׁמַ֥יִם וָ/אָֽרֶץ׃

³אַל־ יִתֵּ֣ן לַ/מּ֣וֹט רַגְלֶ֑/ךָ אַל־ יָ֝נ֗וּם שֹֽׁמְרֶֽ/ךָ׃

⁴הִנֵּ֣ה לֹֽא־ יָ֭נוּם וְ/לֹ֣א יִישָׁ֑ן שׁ֝וֹמֵ֗ר יִשְׂרָאֵֽל׃

⁵יְהוָ֥ה שֹׁמְרֶ֑/ךָ יְהוָ֥ה צִ֝לְּ/ךָ֗ עַל־ יַ֥ד יְמִינֶֽ/ךָ׃

⁶יוֹמָ֗ם הַ/שֶּׁ֥מֶשׁ לֹֽא־ יַכֶּ֗/כָּה וְ/יָרֵ֥חַ בַּ/לָּֽיְלָה׃

⁷יְֽהוָ֗ה יִשְׁמָרְ/ךָ֥ מִ/כָּל־ רָ֑ע יִ֝שְׁמֹ֗ר אֶת־ נַפְשֶֽׁ/ךָ׃

⁸יְֽהוָ֗ה יִשְׁמָר־ צֵאתְ/ךָ֥ וּ/בוֹאֶ֑/ךָ מֵֽ֝/עַתָּ֗ה וְ/עַד־ עוֹלָֽם׃