Psalms Chapter 92

¹Laus cantici ipsi David, in die ante sabbatum, quando fundata est terra. [Dominus regnavit, decorem indutus est: indutus est Dominus fortitudinem, et præcinxit se. Etenim firmavit orbem terræ, qui non commovebitur.

²Parata sedes tua ex tunc; a sæculo tu es.

³Elevaverunt flumina, Domine, elevaverunt flumina vocem suam; elevaverunt flumina fluctus suos,

⁴a vocibus aquarum multarum. Mirabiles elationes maris; mirabilis in altis Dominus.

⁵Testimonia tua credibilia facta sunt nimis; domum tuam decet sanctitudo, Domine, in longitudinem dierum.]