Psalms Chapter 99

¹Psalmus in confessione.

²[Jubilate Deo, omnis terra; servite Domino in lætitia. Introite in conspectu ejus in exsultatione.

³Scitote quoniam Dominus ipse est Deus; ipse fecit nos, et non ipsi nos: populus ejus, et oves pascuæ ejus.

⁴Introite portas ejus in confessione; atria ejus in hymnis: confitemini illi. Laudate nomen ejus,

⁵quoniam suavis est Dominus, in æternum misericordia ejus, et usque in generationem et generationem veritas ejus.]